Suhtat go menddo sakka mánáide

Galgá atnit árvvus váhnemiid geat háliidit iežaset buoridit vai mánáid árgabeaivi buorrána. Littsint lea bálvalus gos leat nuvttá materiálat váhnemiidda geat háliidit bargat suhttostivremiin. Sisdoalu ja reaidduid leat psykologiijaspesialista Steinar Sunde bearašsuodjalusas ráhkadan.

Čuovo dáid spesialistta rávvagiid:

1. Váldde ovddasvástádusa

Go dovddat ahte dus lea miella čeargut mánnái dahje dollet su. Váldde ovddasvástádusa ja guođe dilálašvuođa.

2. Muitte ahte dat lea dábálaš

Muittut iežat ahte mánná láhtte iežas agi mielde. Ii leat sáhka das ahte mánná romet, dahje ahte don it nagot šat.

3. Hála mánáin

Go leat jaskkodan, de mana ruovttoluotta máná lusa ja hála suinna nu mo don háliidivččet máná dutnje hállat.

4. Don leat ovdagovva

Muitte ahte don vuosttažettiin leat ovdagovva, gii oahpahat mánnái mo lea lohpi hállat nubbi nubbái ruovttus.

Littsint

Ferte árvvusatnit váhnemiid geat háliidit iežaset daguid ja dábiid buoridandihte mánáideaset beaivválaš dili. Littsint.no lea ruovttusiidu váhnemiidda geat háliidit bargat suhttohálddašemiin. Ulbmil lea juohkit psykologalaš máhtu ja vuogi váhnemiidda vai sii sáhttet ieža láhččit mánáidasaset eanet oadjebas ja einnostahtti árgabeaivvi.

Veahkki

Jus háliidat lasi veahki suhtu hálddašit, de leat Norgga bearašsuodjalankantuvrra bargit ožžon oahpahusa málles mii ovdanbuktojuvvo E- girjjis. Bearašsuodjalankantuvrrat fállet nuvttá ságastallamiid váhnemiidda, ja singuin sáhttá váldit njuolga oktavuođa dikšomearrádusa haga.

Dáppe oaččut veahki

Littsint e-girji

Littsint.no sáhtát viežžat nuvttá E-girjji “ váhnenbagadus suhttohálddašeamis”. E-girjjis leat 10 videobihtá mat gaskkustit bures duođaštuvvon málles suhttohálddašeapmái konkrehta vuogi mielde.

Viežžat e-girji

Littsint applikašuvdna

Littsint.no, Google Play dahje App Stores sáhtát viežžat nuvttá littsint applikašuvnna. Littsint applikašuvdna lea reaidu mas lea vuođđun 800 ságastallama váhnemiiguin geat háliidit veahki hálddašit iežaset suhtu mánáidasaset vuostá.

Viežžat applikašuvdna